Адкрытасць на прыгажосць Бога дае чалавеку супакой і матывуе яго да многіх высакародных справаў. Аб гэтым казаў Святы Айцец Бэнэдыкт XVI на заканчэнне канцэрта, які адбыўся вечарам 11 жніўня ў Кастэль Гандольфа. Перад Папам выступіў знакаміты нямецкі віяланчэліст Томас Бэкман і хор.

Пастыр дыяцэзіі Альбана, на тэрыторыі якой знаходзіцца папская летняя рэзідэнцыя, біскуп Марцэл Семерара прызнаўся, што ў перыяд свайго знаходжання ў Кастэль Гандольфа Святы Айцец мае час для ўсіх і для сябе. Іерарх распавёў, што ў мінулую нядзелю быў выпадак, калі група італьянскіх семінарыстаў спявала каля Апостальскага палаца, Папа пачуў гэта, выйшаў да іх і заспяваў разам з імі.

Святы Айцец Бэнэдыкт XVI дзякаваў 3 жніўня вечарам сваім землякам з Баварыі за канцэрт традыцыйнага фальклору, які прайшоў на падворку Апостальскага палаца ў Кастэль Гандольфа. Папа ўсклікнуў па-баварску: «Vergelt’s Gott» («заплаці, Божа»).

Гуманітарнай дапамогі для сірыйцаў папрасіў Святы Айцец Бэнэдыкт XVI падчас нядзельнай малітвы «Анёл Панскі» 29 ліпеня 2012 г. у Кастэль Гандольфа. Папа яшчэ раз заклікаў да мірнага вырашэння канфлікту на аснове дыялога і прымірэння, падкрэсліўшы, што з трывогай сочыць за трагічнымі падзеямі і эскалацыяй насілля ў краіне, «сумным вынікам якіх з’яўляюцца забітыя і параненыя» і велізарная колькасць бежанцаў у суседнія краіны.

17 ліпеня ў Рыме праходзіла сустрэча найбуйнейшых аб’яднанняў служачых цыркаў і лунапаркаў. Яны абмеркавалі магчымасць ініцыятыў, звязаных з Годам веры ў Каталіцкім Касцёле. Менавіта гэтаму будзе прысвечана сустрэча са Святым Айцом, якая адбудзецца 1 снежня.

9 ліпеня Святы Айцец Бэнэдыкт XVI наведаў цэнтр ксяндзоў вербістаў у Нэмі (каля Рыма). У гэтыя дні там завяршылася генеральная капітула закона Місіянераў Божага Слова.

У панядзелак 25 чэрвеня, на наступны дзень пасля ўрачыстасці Нараджэння Яна Хрысціцеля, які з’яўляецца нябесным заступнікам Мальтыйскага ордэна, Святы Айцец Бэнэдыкт XVI прыняў яго Вялікага магістра Фра Мэцью Фэсцінга.

23 чэрвеня Святы Айцец Бэнэдыкт ХVI правёў кансультацыі з кіраўнікамі ведамстваў Рымскай Курыі і некаторымі іншымі кардыналамі адносна прыняцця адпаведных рашэнняў пасля крадзяжу дакументаў Пантыфіка і Апостальскай Сталіцы.

22 чэрвеня Бэнэдыкт XVI прыняў на аўдыенцыі каля 100 членаў найбуйнейшай італьянскай сельскагападарчай асацыяцыі «Coldiretti». Пантыфік выразіў сваё захапленне дзейнасцю арганізацыі на карысць сем’яў, якія жывуць і працуюць у італьянскіх вёсках.

21 чэрвеня Бэнэдыкт XVI прыняў на аўдыенцыі ўдзельнікаў cесіі Сходу па справах дапамогі Усходнім Касцёлам (ROACO). Форум арганізацыі праходзіў ў Рыме з 18 па 20 чэрвеня.

У сераду 20 чэрвеня Святы Айцец Бэнэдыкт XVI сустрэўся з прэм’ер-міністрам Латвіі Валдзісам Дамброўскісам. Падчас сустрэчы быў адзначаны асаблівы ўклад Касцёла ў сацыяльнае жыццё балтыйскай краіны.

Літургія нядзелі прапаноўвае нам дзве кароткія прыпавесці, якія сказаў Езус: аб зерні, якое само ўзыходзіць, і аб зерні гарчычным. Праз гэтыя вобразы Пан паказвае таямніцу слова і Божага Валадарства, а таксама паказвае прычыны нашай надзеі і дзеяння. Аб гэтым казаў Святы Айцец падчас агульнай аўдыенцыі ў нядзелю 17 чэрвеня.

14 чэрвеня 2012 г. Святы Айцец Бэнэдыкт XVІ удзяліў аўдыенцыю Генеральнаму дырэктару Харчовай і сельскагаспадарчай арганізацыі ААН (FAO) Жазэ Грацыяна да Сільву. Кіраўнік ФАО сустрэўся таксама з Дзяржсакратаром Яго Святасці кардыналам Тарчызіо Бэртонэ і Сакратаром па адносінах з дзяржавамі арцыбіскупам Дамінікам Мамбэрці.

11 чэрвеня Святы Айцец Бэнэдыкт XVI сустрэўся з выкладчыкамі і студэнтамі Папскай касцёльнай акадэміі — установы, якая рыхтуе дыпламатычных прадстаўнікоў Апостальскай Сталіцы. Сустрэча прайшла з нагоды заканчэння навучальнага года і падрыхтоўкі выпускнікоў акадэміі да пачатку выканання дыпламатычнай місіі.

Значэнню сакрамэнту Эўхарыстыі, эўхарыстычнай адарацыі, а таксама ўрачыстасці Цела і Крыві Хрыста прысвяціў агульную аўдыенцыю ў нядзелю 10 чэрвеня Святы Айцец Бэнэдыкт XVI. Пантыфік звярнуўся да прысутных на плошчы Святога Пятра перад малітвай «Анёл Панскі».

«Папа абвяшчаў нам добрую навіну пра сям’ю», — адзначыў кс. Фэдэрыка Ламбардзі. Дырэктар Прэс-службы Апостальскай Сталіцы паведаміў, што Бэнэдыкт XVI перажываў візіт у Мілан, дзе праходзіла VII Сусветная сустрэча сем’яў, з «радасцю і вялікім энтузіязмам».

«Хоць часам можна думаць, што лодка Пятра знаходзіцца сярод супраціўных вятроў, аднак мы бачым, што Пан прысутны, жывы, што Уваскрослы Хрыстус сапраўды жыве і трымае ў руках уладу над светам і над чалавечымі сэрцамі», — такія словы прамовіў Святы Айцец Бэнэдыкт XVI на заканчэнне ўрачыстага абеду ў рэзідэнцыі арцыбіскупа Мілана.

«Ніякая людская ўлада не можа разглядацца як боская, а значыць, ніводзін чалавек не можа быць уладаром іншага чалавека», — з такімі словамі Святы Айцец Бэнэдыкт XVI звярнуўся да італьянскіх палітыкаў. Сустрэча прайшла 2 чэрвеня ў Мілане, куды Пантыфік прыбыў на Сусветную сустрэчу сем’яў.

«З Беззаганнага Сэрца Марыі сёння мы прагнем пачарпнуць новы давер, каб даць напоўніць сябе яе радасцю, якая знаходзіць сваю найглыбейшую крыніцу ў Пану», — адзначыў Святы Айцец Бэнэдыкт XVI падчас сустрэчы з вернікамі ля Гроту Маці Божай з Люрд у Ватыканскіх садах. Увечары 31 мая 2012 г. там адбылася традыцыйная ружанцовая працэсія са свечкамі на заканчэнне месяца мая, прысвечанага Панне Марыі.

У чацвер 24 мая 2012 г. Святы Айцец Бэнэдыкт XVI прыняў на аўдыенцыях Прэзідэнта Балгарыі Расэна Плеўнеліева і прэм’ер-міністра Македоніі Ніколу Груеўскага. Абодва палітыкі прыехалі ў Рым на традыцыйную пілігрымку з нагоды дня святых Кірыла і Мяфодзія.